DURRËS- Policia Rrugore ka vijuar me kontrollet për parandalimin e aksidenteve dhe rritjen e parametrave të sigurisë në rrugë. Gjatë 48 orët e fundit si rezultat i kontrolleve të ushtruara janë proceduar penalisht 11persona për drejtim të motorçikletave pa leje drejtimi, dhe është arrestuar në flagrancë 1 person për drejtim mjeti nën ndikimin e alkoolit.
Deklarata e Policisë:
Qarkullimi Rrugor Durrës gjatë 48 orëve të fundit. Vijon zbatimi i planit të masave nga Specialistët e Qarkullimit Rrugor Durrës për kontrollin e drejtuesve të mjeteve që konsumojnë pije alkoolike dhe drejtojnë mjetet pa qenë të pajisur me leje drejtimi.
Qëllimi : parandalimi i aksidenteve rrugore dhe rritja e parametrave të sigurisë në rrugë.
Në 48 orët e fundit si rezultat i kontrolleve të ushtruara janë proceduar penalisht 11 shtetas për drejtim të motorçikletave pa leje drejtimi dhe është arrestuar në flagrancë 1 shtetas për drejtim mjeti nën ndikimin e alkoolit.
Janë vendosur masat administrative si më poshtë vijojnë:
• janë pezulluar 28 leje drejtimi për tejkalim të normave të shpejtësisë;
• janë ndëshkuar 134 drejtues mjetesh për përdorim të celularit gjatë drejtimit të mjetit;
• janë ndëshkuar 126 drejtues mjetesh për parakalim të gabuar;
• janë ndëshkuar 35 drejtues mjetesh për mospërdorim të rripit të sigurimit.
Specialistët e Qarkullimit Rrugor Durrës këshillojnë çdo drejtues mjeti të mos përdorin alkool, mos drejtojnë mjetet pa qenë të pajisur me leje drejtimi dhe të respektojnë me rigorozitet rregullat e qarkullimit rrugor, në të kundërt do të ndëshkohen me masë administrative apo sipas legjislacionit penal.
Kontrolle të kësaj natyre, duke planizuar shërbime shtesë në çdo aks rrugor në qarkun e Durrësit, do të vijojnë edhe gjatë fundjavës për shkak të rritjes së fluksit të pushuesve, veçanërisht në zonat turistike.
Komente
Qyteti I durresit nuk ka semafore dhe ato qe jane nuk punojne
PërgjigjuI lumt pol.dursit
PërgjigjuTi dërrmojnë !
Përgjigju(I lumt.pol.dursit