Politikanët shqiptarë kanë reaguar të entuziazmuar pas fitores së Zvicrës kundër Serbisë. Në reagimet e bëra në facebook, kryetari i partisë së Lirisë, Ilir Meta, deputeti i PD, Lulzim Basha dhe deputeti socialist Pandeli Majko kanë uruar fitoren e Zvicrës me foton e Xherdan Shaqirit dhe Granit Xhakës të cilët janë dy futbollistët shqiptarë të kombëtares së Zvicrës.
Ndërsa reagimi i cili ka rënë më shumë në sy është ai i kryemininistrit Albin Kurti, i cili në një postim në facebook-un e tij, ndërsa në foto janë Xhaka dhe Shaqiri duke festuar pas golit të këtij të fundit, shkruan: Serbia nuk kalon. Urime Zvicrës!
Po ashtu edhe presidentja e Kosovës, Vjosa Osmani ka postuar një foto të Xherdan Shaqirit dhe Taulant Xhakës ku të dy shfaqeshin duke bërë shqiponjën në botërorin e kaluar kur mposhtën Serbinë. Në postimin e saj ajo shkruan: Bravo shqipe!
Zvicra ka kaluar në fazën e 1/16 ku do të përballet me Portugalinë. Ndërsa Serbia është eleminuar nga Kupa e Botës për të dytën herë rradhazi nga Zvricra. Fitorja e Zvicrës është përjetuar si të ishte fitore e Shqipërisë apo e kombëtares së Kosovës.
Në Kumanovë kanë shpërthyer festimet e shqiptarëve të cilët kanë dalë në rrugë me makina dhe me flamuj kuqezi të entuziazmuar pas fitores së Zvicrës kundër Serbisë. Festa që po mbahet është njëjtë si të bëhej fjalë për fitoren e Shqipërisë apo Kosovës ndaj kombëtares së Serbisë për shkak se në kombëtaren zviceriane luajnë disa lojtarë shqiptarë.
Komente
po keta idiote c'kane qe gezojne,,,,,a thua se fitoi kosova,,,,fitoi zvicra o budallenj.....
Përgjigju