Kryeministri i Polonisë, Donald Tusk

Bota

Polonia pezullon të drejtën e emigrantëve për të aplikuar për azil

27 Mars, 14:44| Përditesimi: 27 Mars, 14:47

  • Share

Polonia ka pezulluar përkohësisht të drejtën për të aplikuar për azil të emigrantëve që shkojnë përmes kufirit me Bjellorusinë.

Kryeministri Donald Tusk njoftoi se do të ndodhë pasi projektligji i diskutueshëm, i cili u lejon autoriteteve polake ta pezullojnë këtë të drejtë deri në 60 ditë, u dekretua nga presidenti Andrzej Duda.

Sipas BBC, Tusk tha se ligji do të implementohet pa vonesa, ndërsa Duda e ka argumentuar dekretimin si nevojë për të forcuar sigurinë në kufijtë e vendit. Por ky ligj është kritikuar nga grupet e të drejtave të njeriut të cilat kanë thënë se BE-ja duhet të marrë veprime ligjore nëse Polonia e implementon.

Qeveria ka argumentuar se pezullimi do të aplikohet përkohësisht ndaj njerëzve që paraqesin kërcënim për sigurinë shtetërore. Për shembull: ndaj grupeve të mëdha agresive që përpiqen të mësyjnë në kufi.

Përjashtime do të ketë për të miturit e pashoqëruar, gratë shtatzëna, të moshuarit e sëmurë, çdokush që është në rrezik të rëndë nëse kthehet dhe çdo qytetar i vendeve që akuzohen se po kryejnë instrumentalizimin e emigracionit, si Bjellorusia.

Që prej vitit 2021, Polonia, Lituania, Letonia dhe Finlanda kanë pasur një rritje të numrit të personave që kalojnë ilegalisht nga Bjellorusia dhe Rusia.

S.B/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?