Autoriteti Portual Durrës ka njoftuar rikthimin e normalitetin në sektorët e ndryshëm portual, përgjatë ditës së sotme.
Në Terminalin e Pasagjerëve puna ka vazhduar normalisht duke bregëzuar pa probleme në orarin e parashikuar trageti “Rigel VII” ndërkohë që të gjitha tragetet e parashikuara për lundrim ditën e sotme do të vijojnë sipas orareve të parashikuara.
Aktualisht, veprimtaria përpunuese vijon normalisht në të katër terminalet, ndërkohë që të gjitha akset në hapësirat e Portit janë të aksesueshme pa pengesa në qarkullim dhe përpunim të mallrave.
Sakaq gjatë pasdites së sotme do të vazhdojnë lundrimet dhe peshkarexhat e vogla të cilat përgjatë 24 orëve të fundit nuk kanë zhvilluar aktivitetin e tyre normal.
Komento
Komente
