Portieri i Argjentinës dhe Aston Villas, Emiliano Martinez, ka kërkuar të mbrojë medaljen e fituesit të Kupës së Botës duke paguar 20,000 paund për një qen roje.
30-vjeçari ishte një pjesë kyçe e suksesit të Argjentinës në Kupën e Botës, pasi ai mori dorezën e artë dhe bllokoi disa penallti gjatë turneut në Katar, por është kritikuar për veprimet e tij në finale dhe në festime pas fitores.
Martinez ka blerë një qen roje belg Malinois, i cili është përdorur nga SAS dhe US Navy Seals në zonat e luftimit, sipas Daily Star.
Qeni roje thuhet se kushton minimumi 20,000 paund dhe peshon deri në 30 kg. Disa lojtarë janë përpjekur të rrisin sigurinë e tyre në vitet e fundit, për shkak të grabitjeve që janë bërë në shtëpitë e tyre të cilat kanë qenë në shënjestër të hajdutëve.
Trajneri i Arsenalit, Mikel Arteta dhe portieri francez Hugo Lloris janë ndër yjet e futbollit që kanë blerë qen roje nga kompania në të kaluarën. Ish-yjet e Anglisë, Ashley Cole dhe Jack Wilshere, dhe kampioni botëror i boksit në peshat e rënda, Tyson Fury, kanë përdorur gjithashtu kompaninë.
