Nuk ka fund 'odisea' e përcaktimit të fletës së votimit të 25 prillit në Shqipëri. Ditën e sotme Komisioni i Ankimimit dhe Sanksioneve në KQZ njoftoi se ka pranuar kërkesën e Partisë Socialiste duke rrëzuar propozimin e Komisionerit Shtetëror të Zgjedhjeve Ilirjan Celibashi për fletën e votimit. Sipas vendimit të KAS bie fleta e votimit me emra kandidatësh dhe vendoset për fletën me numra. Socialistët kërkuan miratimin e një flete votimi vetëm me numra. Për ankimimin e PS kanë votuar pro anëtarët Koli Bele, Ilir Rusmajli, Lako, e ndërsa Braho dhe Cefa kundër. Këtë vendim të KAS mësohet se PD-ja e ankimoi vendimin në Kolegjin Zgjedhor, i cili mblidhet nesër në orën 09:00 ku do të vaktojë trupën e gjyqtarëve dhe datën kur do shqyrtohet çështja.
KAS rrëzoi ndërkohë kërkesën e PD që kërkoi që fleta e votimit të jetë me numra dhe emra, por të renditura në mënyra vertikale dhe jo horizontale. Gjithashtu KAS pranoi kërkesën e Bindjes Demokratike për të zëvendësuar siglën e saj në fletën e votimit.
Fleta e votimit me emra u propozua nga Ilirjan Celibashi por më pas u ankimua nga 2 forcat kryesore politike. Në fletën e miratuar ishte parashikuar të shënuar emrat e kandidatëve për deputetë dhe jo me numra. Fleta do të ishte në përmasat. 29.7. X 60, do të jetë me emra dhe do të jetë fletë votimi horizontale. Madhësia e fletës do të jetë e njëjtë për çdo qark, si në Tiranë që numrin më të madh të kandidatëve, ashtu edhe në Kukës, apo qarqet e tjera më të vogla. Ajo që ndryshon është madhësia e shkrimit. Pra, emrat në kryeqytet janë me germa më të vogla për shkak se janë 36 kandidatë.
(Klikoni këtu për të lexuar)Ankimimi i PD-së në Kolegjin Zgjedhor për fletën e votimit
"Lojë politike" e ka konsideruar përfaqësuesi ligjor i Partisë Demokratike Ivi Kaso, vendimin e KAS sot, që pranoi ankimimin e PS-së, duke rrëzuar fletën e votimit me emra kandidatësh dhe duke vendosur për fletën me numra.
Në një deklaratë për mediat, Kaso tha se kreu i PS-së, Edi Rama, është i "turpëruar" nga lista e kandidatëve të tij dhe po përpiqet t'i fshehë ata. Ai thekso se PD do ta apelojë vendimin.
"Rama është i turpëruar nga lista e kandidateve te tij, ndaj po përpiqet ti fshehe ata. Ai nuk do qe njerëzit te shohin se për ke po votojne. I bej thirrje deputeteve te PS te kene kujdes sepse Kryetari i tyre po perpiqet ti fshehe nga publiku sepse i turperuar nga ta. Edi Rama e di që ne kurrë nuk do të biem dakord për zgjedhje të padrejta, siç ai po përpiqet të tërheqë tani me truket e tij të pista. Ajo që ai bën është përpjekja pёr të vonuar zgjedhjet me lodrat e tij të pista. Shqiptarët e dinë këtë dhe tashmë ata janë ngopur me manovrat dhe marifet e tij të ndyra. Kjo nuk do ta ndihmojë atë. Unë i bëj thirrje Kolegjit Zgjedhor për të bindur sa më shpejt të jetë e mundur dhe për të hedhur poshtë mashtrimet e ndyra tё Ramës dhe për të lejuar zgjedhje demokratike në Shqipëri në 25 Prill. Për 8 vjet Rama shkatërroi jetët e shqiptarëve, infrastrukturën, tani ai po përpiqet të shkatërrojë demokracinë tonë. Kjo ёshtë një luftë që Shqipëria të mbetet demokraci dhe ne do të fitojmë", tha Kaso.
Komente
