Kryepleqtë e fshatrave nuk kanë përmbushur detyrat e tyre për luftën kundër kultivimit të lëndëve narkotike. Shqetësimi është ngritur nga Drejtori i Policisë Vendore në Lezhë Ferdinad Mara, i cili ka kërkuar nga institucionet si Drejtoria e Bujqësisë, ujësjellësit dhe OSHE-së, një bashkëpunim të vazhdueshëm dhe jo vetëm në hapat e para pasi sipas tij bashkëpunimi nuk ka qenë në nivelin e duhur.
"Ndaj kryepleqve të fshatrave do të kërkoja një angazhim maksimal, në të gjitha drejtimet, por drejtimi kryesor në sensibilizimin e çdo bashkëfshatari. Toleranca ndaj këtij fenomeni është zero" tha ai.
Prefekti i Lezhës Gjergj Prendi tha se nuk do të ketë tolerime ndaj shkelësve të ligjit, ndërsa ju ka kërkuar kryetareve të fshatrave angazhim më të madh në përmbushjen e detyrave të tyre. "Mos guxojë njeri të kultivojë kanabis, lë me të trafikojë. Tolerancë zero" apeloi ai.
Lezha mbetet një ndër zonat më problematike përsa i përket kultivimit të bimëve narkotike, ndaj është kërkuar angazhim maksimal për të minimizuar këtë fenomen mjaft shqetësues.
Komente
Pu pu pu viti 2019 dhe akoma me kryeleshër (kryepleq) si në mesjetë..
Përgjigju