TIRANË- Prej 15 vitesh qyteti i Leskovikut bashkëjeton me mungesën totale të ujit të pijshëm. Ata ecin me dhjetëra kilometra për të siguruar ujin, pasi me mundësitë e pakta ekonomike që ata kanë nuk e përballojnë koston e blerjes së tij. Mbushja e enëve në burimet më të afërta dhe vendosja e depozitave, janë të vetmet alternativa për këta banorë.
"Kemi 30 vjet demokraci e ne këtu në Leskovik nuk kemi ujë për të pirë, pale gratë se çfarë heqin në shtëpi. Ne shkojmë 15-20 km ku ka ujë të rrjedhshëm. Ne mundohemi të marrim ujë nga burimet që janë të rrjedhshëm. 20 minuta ujë nuk del. Ne jemi punëtorë do të lahemi. Jetesa pa ujë është shumë e vështirë. Edhe ai ujë është me orar e i ndotu me rërë. Po si hape, çezmat bllokohet", shprehet një banorë.
Nga ana tjetër, i pyetur nga Report Tv, kryetari i bashkisë Kolonjë, Erion Isai, shprehet se ky problem vitin e ardhshëm do të gjejë zgjidhje dhe banorët do të furnizohen me ujë 24 orë.
"Ujësjellësi i Leskovikut do të jetë në investim nga Agjencia Kombëtare e Ujërave dhe është futur në projekt buxhetin e vitit tjetër", tha kryebashkiaku Erion Isai.
Për banorët, e vetmja gjë mbetet që të shpresojmë se premtimi për investimin në ujësjellësin e këtij qyteti do të bëhet realitet dhe 15 vite pritje dhe vështirësi që ata kanë hasur, do t'iu vijë fundi.
Komente
Një komunitet i bashkuar bën hatanë. I bashkuar lomuniteti i zgjith të gjitha problemet por shqiptari qe nga lashtesia nuk shquhet për bashkim. Edhe Skenderbeu me dhunë i bashkoi shqiptarët . Edhe Enver Hoxha i bashkoi me dhunë. Shqiptarin duhet ta bashkosh me dhunë qe te lulezoje jeta e tij, ndryshe ka për të jetuar si në Epoken e Gurit.
Përgjigju