Prej dekadash rruga që lidh disa fshatra siç janë Kallm i Vogël dhe i Madh ishin kthyer në problem shqetësues për banorët e kësaj zone.
Një investim prej 37 milionë lekë të investuara nga 'Bankers Petroleum' e mbështetur nga Bashkia Fier dhe 'AlbPetrol' ka bërë që rruga e cila lidh këto fshatra me rrugën nacionale Fier–Lushnje të rehabilitohet duke i dhënë zgjidhje përundimtare problemit të banorëve.
Sot punimet në këtë rrugë i ka inspektuar Presidenti i 'Bankers Petroleum, Xingyun Sun, i cili u shpreh se si pjesë e këti komuniteti, ndihet shumë i lumtur për këtë investim shumë të rëndësishëm.
Si pjesë e këtij komuniteti jam shumë i lumtur që me investime të tilla i shërbejmë kësaj zone por edhe të gjithë qytetit.
Xingyun Sun, presidenti i Bankers Petroleum
Ndërkohë kreu i bashkisë së Fierit u shpreh se ky është një projekt i ndërtuar bashkarisht,punimet po ecin me ritme të shpejta dhe kjo rrugë pritet të përfundojë shumë shpejt.
Kemi ardhur këtu bashkë me drejtorin e përgjithshëm të Bankers për të inspektuar punimet. Ky projekt është i ideuar bashkarisht. Punimet po ecin me itensitet, me ritmin dhe cilësinë e duhur.
Armando Subashi, kreu i Bashkisë Fier
Nuk është hera e parë që 'Bankers Petroleum' investon në vepra publike të cilat i shërbejnë komunitetit në të cilën është e përqendruar puna e kësaj kompanie. Ndërkohë që investime të tjera priten të bëhen edhe në vijim nga 'Bankers Petroleum'.
Komente
Bravo kinezeve te Bakersit , qe investojne ne komunitet , se kur e kishin kanadezet vetem rripnin naften e shqiptareve dhe renten nuk e paguanin
Përgjigju