Liverpool dështon të arratiset në krye të Premier League angleze. Në ishull nuk pushojnë as për festa dhe Liverpool u ndal në “Anfield Road” në barazim 1-1 nga West Bromwich Albion. Goli i shënuar nga Sadio Mane u barazua në fund nga Ajayi dhe skuadra e Klopp me 32 pikë është vetëm 3 larg Evertonit të vendit të dytë.
Ndërkaq Tottenham i Mourinhos ka harruar të fitojë. Gjelat e Londrës kanë katër ndeshje që nuk arrijnë suksesin maksimal dhe kanë humbur ndjeshëm pozicione në renditje. Mbrëmjen e djeshme në përballjet e javës së 15-të Tottenham barazoi 1-1 në transfertë ndaj Wolves pavarësisht se kaloi në avantazh me Ndombele që në minutën e parë. Wolves barazoi katër minuta nga fundi me Saiss. Pushim s’ka dhe sot luhen tre ndeshje të javës së 16-të në Angli ku Chelsea pret Aston Villan ndërsa dueli më interesant është Everton-Manchester City./ Përgatiti Andi Kapxhiu
