Një moment vendimtar në ndeshjen ndërmjet Chelsea dhe Manchester United ndezi polemika të mëdha, kur Harry Maguire shënoi në pjesën e parë për t’i dhënë epërsinë 'Djajve të Kuq' në 'Stamford Bridge', por vetëm për pak çaste. Goli u anulua pas një kontrolli të gjatë nga sistemi VAR, që përcaktoi se mbrojtësi anglez ndodhej jashtë loje për disa milimetra.
Pas valës së kritikave dhe diskutimeve në rrjetet sociale, Premier League publikoi një deklaratë zyrtare lidhur me vendimin:
“VAR kontrolloi vendimin e gjyqtarit për golin dhe përcaktoi që Maguire ishte në pozicion jashtë loje dhe rekomandoi që goli të anulohej.”
Por kontestimet nuk përfunduan me kaq. Në pjesën e parë u regjistrua edhe një moment i dyshimtë brenda zonës së United, kur Rasmus Hojlund preku topin me dorë pas një goditjeje të Enzo Fernandez. Chelsea kërkoi penallti, por as gjyqtari në fushë dhe as VAR-i nuk reaguan, duke bërë që loja të vazhdonte pa ndonjë ndërhyrje zyrtare.
Pavarësisht rasteve të debatueshme, pjesa e parë u mbyll me rezultatin 0-0, ndërsa tensioni dhe polemikat mbeten të larta në pritje të zhvillimeve të pjesës së dytë.
Lajmi kryesor:
GOLAT/ Championsi vendoset me 'fotofinish', Chelsea dhe Aston Villa fitojnë në Premier League
S.Dh/ReportTv.al