Shërbimet e Komisariatit të Policisë Dibër dhe Bulqizë, në zbatim të Planit të masave për parandalimin dhe goditjen e prerjes së paligjshme të pyjeve, si dhe në vijim të goditjeve të njëpasnjëshme të realizuara për këtë qëllim, gjatë 48 orëve të fundit kanë evidentuar e goditur dy raste.
Filloi procedimi penal në gjendje të lirë, në ngarkim të shtetasve:
I. I, 45 vjeç, banues në Peshkopi, pasi është kapur nga shërbimet e Komisariatit të Policisë Dibër duke transportuar 5 metër kub lëndë drusore me automjetin tip "IFA", me targë AA 437 HZ, pa dokumentacion përkatës.
P.L, 33 vjeç, banues në Bulqizë, pasi është kapur nga shërbimet e Komisariatit të Policisë Bulqizë duke transportuar 5 metër kub lëndë drusore me automjetin tip "IFA", pa targa, dhe pa dokumentacion përkatës.
Lënda drusore dhe automjetet u sekuestruan në cilësinë e provës materiale.
Materialet do t'i referohen Prokurorisë Rrethit Gjyqësorë Dibër ,për veprën penale “Prerje e paligjshme e pyjeve” parashikuar nga neni 205, i Kodit Penal.