Kroacia mori drejtimin e Presidencës së BE-së për 6 muajt në vijim nga 1 janari deri në qershor. Kryeministri Andrej Plenkoviç u shpreh se ndër të tjera, Kroacia do t’i kushtojë një vëmendje të madhe çështjes së zgjerimit me Shqipërinë dhe Maqedoninë e Veriut.
“Ne do të përpiqemi të vijojmë përpjekjet tona para samitit, të urojmë dhe zhbllokojmë atë që, për fat të keq, nuk u vendos në tetor të 2019-s në Këshillin Evropian. Ne do të përpiqemi të gjejmë mënyrën e duhur për të hapur negociatat me Shqipërinë dhe Maqedoninë e Veriut. Mali i Zi dhe Serbia janë tashmë duke negociuar, Shqipëria dhe Maqedonia Veriore, të cilat duhet të fillojnë negociatat, së bashku me Bosnje-Hercegovinën dhe Kosovën, të cilat janë objektivat tanë në këtë moment.
Ekzistojnë katër shtylla themelore se si Kroacia e sheh kontributin e saj në aktivitetet e Unionit. Ne jemi në fillimin e një cikli të ri institucional, komisioni filloi punën e tij në 1 dhjetor, po ashtu edhe Presidenti i sapo zgjedhur i Këshillit. Ky kontekst i presidencës sonë është specifik. Prioritetet tona janë një Evropë në zhvillim, forcimi i ekonomisë, tregut të punës, konkurrencës. Ne do të përpiqemi të forcojmë dhe vazhdojmë politikën e kohezionit, e cila merr parasysh zhvillimin e barabartë të të gjithë anëtarëve të BE-së, veçanërisht ato më pak të zhvilluara” deklaroi ai. Në tetor të vitit që lamë pas liderët e BE-së vendosën që të shtyjnë hapjen e negociatave pas vetos së Francës.
Komente
Pardje Kroacia mori drejtimin dhe sot ky paska thënë kete gje? Si eshte e mundur? Me emrin e Shqiperise në mendje ka fjetur ky? Nuk ka pune të tjera për të bere Kroacia? Hahahahahahaha!
Përgjigju