Urimeve të shumta për zgjedhjen e Papës së Ri i është bashkuar edhe Presidenti i Republikës së Shqipërisë, Bajram Begaj.
Begaj shpreh bindjen se Papa Leo XIV do të kuntribuojë me gjithë fuqinë në shërbim të kauzës paqësore.
Urimi i Presidentit Bajram Begaj:
Urime katolikëve shqiptarë dhe atyre të gjithë botës për zgjedhjen e Papës së ri!
Shpreh bindjen se Ati i Shenjtë, Papa Leoni XIV, do të kontribuojë me gjithë fuqinë dhe autoritetin e tij në shërbim të kauzës sublime të forcimit të klimës së bashkëjetesës paqësore të të gjitha besimeve.
Në emër të të gjithë popullit shqiptar i uroj Papa Leoni XIV të jetë nën mbrojtjen e Zotit për realizimin e misionit të tij të shenjtë!
Pas Begajt ka uruar dhe Spiropali Papën e ri Leone XIV.
Kryetarja e Kuvendit, Elisa Spiropali, ka uruar Papa Leone XIV, i cili u zgjodh sot udhëheqës i Kishës Katolike.
Postimi i Spiropalit:
Habemus Papam!
Kardinali Robert Francis Prévost, Papa Leone XIV, është udhëheqësi i 267-të i Kishës Katolike dhe i pari Papë amerikan në histori.
Paqja, drita dhe e drejta që vjen nga Zoti, nga zemra e Krishtit të ringjallur, qoftë me Ju, Ati i Shenjtë Papa Leone XIV, dhe me të gjithë ne, besimtarët, njerëzit, popujt e kombet në të gjithë botën!”
Komente
