Presidenti Bajram Begaj pranoi sot Letër Kredencialet e Koordinatores së OKB-së, rezidente në Shqipëri, Ingrid Macdonald.
Begaj u shpreh se e vlerëson shumë kontributin e Kombeve të Bashkuara në Shqipëri, veçanërisht veprimtarinë e kësaj organizate gjatë tërmetit të vitit 2019 dhe pandemisë Covid-19.
Duke sjellë në vëmendje edhe kontributin për paqe dhe siguri që Shqipëria dha gjatë mandatit të saj si anëtare e Këshillit të Sigurimit për periudhën 2022-2023, si edhe rolin që ajo po luan aktualisht si anëtare e Këshillit të të Drejtave të Njeriut, Presidenti Begaj theksoi se Shqipëria dëshmoi vlerat e saj në këtë drejtim, si bashkëpenëmbajtëse me Shtetet e Bashkuara të Amerikës.
Gjithashtu, Presidenti u shpreh i kënaqur për rolin që Shqipëria po luan aktualisht si anëtare e Bordit Ekzekutiv të Grave të OKB-së (2025), si dhe në pozicionin e Zëvendëspresidentes në Bordin Drejtues të tij.
Presidenti Begaj përshëndeti iniciativat e Kombeve të Bashkuara në Shqipëri, sidomos ato të fokusuara në zonat rurale dhe periferike, duke këshilluar dhe çmuar vëmendjen ndaj të rinjve, krijimit të kushteve dhe lehtësirave që ata të jetojnë dhe punojnë në vend.
Komente
