Presidenti Bajram Begaj po zhvillon një vizitë njëditore në Ohër të Maqedonisë së Veriut, me ftesë të Presidentes Gordana Siljanovska-Davkova.
Gjatë takimit zyrtar që patën mes tyre dy krerët e shtetit, njoftohet se u bisedua për bashkëpunimin bilateral, rajonal dhe integrimin europian.
“Shqipëria dhe Maqedonia e Veriut ndajnë vullnetin për të bashkëpunuar në projekte me vlerë për qytetarët tanë. Faktori shqiptar në Maqedoninë e Veriut eshtë urë lidhësë, i rëndësishëm dhe garanci për progresin e vazhdueshëm të marrëdhënieve tona”, është shprehur presidenti Begaj ndër të tjera në fjalën e tij.
Zyra e Presidencës njofton se zhvilllimi i projekteve të përbashkëta, jo vetëm ekonomike dhe infrastrukturore, por edhe kulturore e sociale, është i arritshëm dhe i mirëpritur.
“Me forca të përbashkëta drejt progresit!”, theksohet nga kreu i shtetit.
Komente
