Presidenti i Filipineve Rodrigo Duterte thotë se po tërhiqet nga politika dhe nuk do të dalë në zgjedhjet e vitit të ardhshëm. Udhëheqësi 76-vjeçar tha muajin e kaluar se do të kandidonte për nënkryetar në vitin 2022. Kushtetuta e vendit i lejon presidentëve të shërbejnë për një mandat të vetëm gjashtëvjeçar. Presidenti Duterte kishte thënë më parë se do të kandidojë si nënkryetar në zgjedhjet e vitit të ardhshëm.
Por ai tani thotë tashmë se do të tërhiqet, pasi "pjesa dërrmuese e filipinasve mendojnë se unë nuk jam i kualifikuar". Ky veprim vjen mes spekulimeve se vajza e tij mund të kandidojë për president.
Duterte, një figurë e diskutueshme "e fortë", erdhi në pushtet në vitin 2016 duke premtuar se do të zvogëlojë krimin dhe do të rregullojë krizën e drogës në vend. Por kritikët thonë se gjatë pesë viteve të tij në pushtet, Duterte ka inkurajuar policinë të kryejë mijëra vrasje jashtëgjyqësore të të dyshuarve në atë që ai e ka quajtur "lufta kundër drogës".
Vajza e Duertes, Sara Duterte-Carpio, e cila aktualisht është kryetare e qytetit jugor të Davao, ka dhënë mesazhe të përziera rreth kandidimit për poste të larta.
Muajin e kaluar zonja Duterte-Carpio tha se nuk do të bashkohej në garë sepse ajo dhe babai i saj ishin pajtuar që vetëm njëri prej tyre do të kandidonte në zgjedhjet majin e ardhshëm. Megjithatë, ajo ka udhëhequr çdo sondazh të opinionit të kryer këtë vit.
Duterte njoftoi pensionin e tij të papritur në kryeqytetin e vendit, në Manila, ku pritej të regjistronte kandidaturën e tij. Sipas organizatës për të drejtat e njeriut Amnesty International, më shumë se 7,000 njerëz u vranë nga policia ose sulmues të panjohur të armatosur në gjashtë muajt e parë të presidencës së zotit Duterte.
Në qershor, prokurori i Gjykatës Ndërkombëtare Penale aplikoi për të hapur një hetim të plotë mbi vrasjet e luftës me drogë në Filipine, duke thënë se mund të ishin kryer krime kundër njerëzimit.
Nëse zonja Duterte-Carpio do të zgjidhej presidente, korrespondentët thonë se ajo ka të ngjarë të mbrojë babanë e saj nga akuzat penale në Filipine dhe nga prokurorët e Gjykatës Ndërkombëtare Penale.
Komente
