Presidenti i Këshillit Evropian Antonio Costa, Përfaqësuesja e Lartë e BE-së Kaja Kallas dhe Komisionerja për Zgjerim Marta Kos po vizitojnë Kievin, ku do të takohen me Presidentin Volodymyr Zelensky.
Zgjedhja tejet simbolike përkon me ditën e parë të punës së Komisionit të ri Evropian.
“Në ditën tonë të parë në detyrë, ne jemi këtu për të dhënë një mesazh: ne jemi në anën e Ukrainës, ushtarakisht, financiarisht dhe politikisht që nga dita e parë”, tha Costa.
Nga ana tjetwr, autoritetet ruse thanë në një deklaratë nga Ministria e Mbrojtjes se kishin neutralizuar 29 dronë ukrainas mbi katër rajone të Rusisë në orët e para të ditës së sotme.
“Sistemet e mbrojtjes ajrore në shërbim përgjuan dhe shkatërruan 29 mjete ajrore pa pilot [UAV] ukrainase: 20 mbi rajonin Bryansk, shtatë mbi rajonin e Kaluga dhe një mbi rajonet Smolensk dhe Kursk secila”, raporton agjencia Interfax.
Komente
