Presidenti i Kosovës, Hashim Thaçi përmes një postimi në përkujtim të 103-vjetorit të vrasjes së Isa Boletinit, thotë se porosia e tij ishte bashkimi kombëtar dhe fuqizimi i kombit tonë.
“U bënë 103 vjet nga vrasja e Isa Boletinit, njërit prej udhëheqësve kryesorë të kryengritjeve shqiptare. Bashkimi kombëtar dhe fuqizimi i kombit tonë ishte porosia që na e la Isa Boletini.
Përpjekjet e tij një shekull më parë për çlirimin e trojeve etnike përbëjnë ende frymëzim për shumë breza të rinj dhe amaneti i Isa Boletinit dhe patriotëve të tjerë, që dhanë jetën për bashkimin e shqiptarëve, na obligon edhe sot që të punojmë pareshtur për përmbushjen e aspiratave tona”.
Në situatën e tensionuar ku ndodhet Ballkani Perëndimor sot, deklarata e presidentit të Kosovës pritet që të sjellë reagime të forta nga Serbia.
Komente
