Në kuadër të vizitës në Baku, Presidenti i Republikës, Ilir Meta u prit në një takim të veçantë nga Presidenti i Republikës së Azerbajxhanit, Sh.T.Z Ilham Aliyev. Takimi i dytë i tyre pas atij të vitit 2019, ku Meta është pritur në Azerbajxhan.
Presidenti Meta vlerësoi marrëdhëniet e shkëlqyera midis dy vendeve, si dhe potencialin e jashtëzakonshëm që ekziston për forcimin e gjithanshëm të tyre në fushat me interes reciprok.
Në fokus të bisedimeve të dy presidentëve ka qenë gazësjellësi TAP si dhe të zbatimit të shpejtë të projektit IAP (Gazsjellësi Adriatiko-Jonian), që do të sillte një impakt më të madh për zhvillimin e Ballkanit Perëndimor.
Në bisedë u nënvizua me shumë interes thellimi i bashkëpunimit në fushën e ekonomisë, tregtisë dhe turizmit, si dhe rritja e mëtejshme e shkëmbimeve midis dy vendeve.
Çfarë është gazësjellësi TAP:
Gazsjellësi Trans Adriatik është një infrastrukturë e gazit natyror që shtrihet nga kufiri greko-turk deri në Italinë Jugore, duke i mundësuar palëve të interesuara tregtimin e gazit në disa vende evropiane.
TAP është një rrugë transportimi e drejtpërdrejtë dhe me kosto efikase, pjesë e Korridorit Jugor të Gazit dhe një zinxhir i vlerës së gazit prej 3,500 kilometrash, që shtrihet nga Deti Kaspik deri në Evropë.
Duke punuar sipas standardeve kombëtare dhe ndërkombëtare të sigurisë dhe të operimit, TAP vepron si Operator i Sistemit të Transportimit (TSO) dhe Operator i Pavarur i Transportimit (ITO), duke i mundësuar tregtarëve të interesuar transportim të sigurt, të besueshëm dhe efikas të gazit.
Komente
Kur mora vesh se ishin ne azerbaixhan dy investitoret tane Berisha dhe Meta,hapa gazetat dhe mora vesh se turqia qe mban vendin e dyte ne keto investime duke qene e dyta me gati 40% te kuotave se perse ne momentin qe po firmosen kontratat per shitjen e gazit azerbaixhan ne europe keta vrapuan atje. Shqiperia nuk ka as investim e as blerje gazi,as edhe nje kontrate pervecse terrenit kalimtar,atehere perse berisha gjendet atje? Pres nje hulumtim serioz dhe jo llafe rruge,jan ketu e jane atje. Nje qeveri pro ruse dhe totalitare,me nje president me 4 mandate,nuk besoj te jete as dashuri dhe as respekt,por interes pazaresh te ndyra.
Përgjigju