Presidenti ukrainas, Volodymyr Zelensky ka përshëndetur deklaratën e përbashkët me evropianët para samitit të Donald Trump dhe Vladimir Putin, që do të mbahet më 15 gusht në Alaskë.
"Fundi i luftës duhet të jetë i drejtë dhe jam mirënjohës për të gjithë ata që tani qëndrojnë me Ukrainën dhe popullin tonë për paqen në Ukrainë, e cila mbron interesat jetësore të sigurisë së popujve tanë evropianë.
Ukraina vlerëson dhe mbështet plotësisht deklaratën e Presidentit Macron (Francë), Kryeministres Meloni (Itali), Kancelarit Merz (Gjermani), Kryeministrit Tusk (Poloni), Kryeministrit Starmer (Mbretëria e Bashkuar), Presidentes Ursula von der Leyen (Komisioni i BE-së) dhe Presidentit Stubb (Finlandë) për paqen për Ukrainën.", thuhet në reagimin e Zelenskyt.
Lajmi kryesor:
Samiti Trump-Putin/ Evropa deklaratë të përbashkët: Së pari nevojitet një armëpushim, rruga drejt paqes s'vendoset pa Ukrainën! Moska: Fletëpalosje naziste
Xh.D/ReportTv.al
