Presidentja e Kosovës, Vjosa Osmani do të mbajë nesër një vizitë zyrtare në Austri me ftesë të presidentit austriak, Alexander Van der Bellen.
Në takimin me presidentin austriak, Vjosa Osmani do të diskutojë për mbështetjen e Austrisë ndaj Kosovës në rrugën evropiane, procesin e liberalizimit të vizave e anëtarësimit në organizatat ndërkombëtare.
Presidentja Osmani do të takohet edhe me kancelarin Sebastian Kurz, sikurse edhe me ministren e Mbrojtjes sw Klimës, Mjedisit, Energjisë, Lëvizjes, Inovacionit dhe Teknologjisë, Leonore Gewessler me të cilët përveç diskutimit të aspekteve politike do të shqyrtohet edhe mundësia e bashkëpunimit në projekte konkrete ndërshtetërore.
Është paracaktuar një takim me Shoqatën e Miqësisë Austri – Kosovë, diasporën kosovare, si dhe me Odën Ekonomike Austriake.
Ndërkaq në Akademinë Diplomatike të Vjenës, Presidentja Osmani do të mbajë një ligjëratë me temën: Forcimi i shtetësisë së Kosovës- Sfidat dhe Storjet e Suksesit.
