Presidenti Ilir Meta ka uruar besimtarët ortodoksë për kremtimin e pashkëve. Përmes urimit Meta ka përcjellë edhe një mesazh për klasën politike në vend.
Ai thotë se me besimin në zot dhe me dialog e vëllazërim, shoqëria jonë mund të tejkalojë çdo sfidë, pavarësisht sakrificave, për të ecur e sigurt drejt së ardhmes më të mirë, në familjen europiane.
"Në vigjilje të kremtimit të Ditës së Ringjalljes së Krishtit, u uroj nga zemra besimtarëve ortodoksë dhe mbarë popullit shqiptar: Nga mot gëzuar Pashkët! Mbarësi, shëndet, paqe e begati në familjet tuaja!
Festa e Pashkëve dhe e dritës që nuk perëndon kurrë, na kujton sot se para malit të së keqes, padrejtësive, veseve, frikës e zhgënjimit, mosbesimit e arrogancës, korrupsionit, dhunës dhe çdo fenomeni negativ që vret paqen, drejtësinë e barazinë sociale dhe helmon rëndë shoqërinë, shpresa dhe e mira nuk vdesin kurrë.
Me besimin në Zot dhe duke përqafuar gjithmonë vlerat më të mira hyjnore, morale e sociale, por edhe kombëtare, me dashuri, harmoni të plotë, dialog, mirëkuptim, bashkëpunim e vëllazërim, secili prej nesh dhe shoqëria jonë në tërësi, mund të tejkalojë çdo sfidë, pavarësisht sakrificave, për të ecur e sigurt drejt së ardhmes më të mirë, në familjen europiane.
Të dashur miq,
Dita e Ringjalljes së Krishtit gjithashtu na kujton nevojën për të forcuar jo vetëm harmoninë tonë të shkëlqyer ndërfetare, por edhe solidaritetin me njerëzit në nevojë, të sëmurët, të pamundurit, fëmijët e të moshuarit, që kanë aq shumë nevojë për përkujdesje e dashuri të përhershme.
Duke u përcjellë të gjithëve urimet e mia më të mira në prag të kësaj Dite të Shenjtë, jam i bindur se shpresat te jeta më e mirë do të ringjallen për mbarë shqiptarët!
GËZUAR PASHKËT!", shkruan Meta.
Komente
Perpara ecim kur ti dhe monika te jeni zhdukur njeher e pergjithmone nga skena politike, boll e keni rrjepur ket popull.
PërgjigjuMos të zënshin pashkët tjera ,,,,,amin
PërgjigjuUne habitem me keta klerike si pranojne urime nga keta kriminele dhe hajdute I lumte imzot George Frendo qe nuk i pranon ti shkelin te dera kets kriminele qe i kane duart te lyera me gjakun e martireve te Gerdecit dhe te 21 Janarit I
Përgjigjuo legen
PërgjigjuTE VJEDHESH FLORIRIN BEHESH PRESIDENT.... E MOR ILIR FLORIRI PIRATI U BE PAPE.....
PërgjigjuO zot ! A me degjon si mund te flase ky njeri per miresi dhe dashuri..Hapy dhe....Ky eshte Don Corleonei pa cip.
Përgjigju