Mirlind Daku dhe Rubin Kazan kanë zyrtarizuar ditën e sotme rinovimin e marrveshjes, e cila tashmë skadon në 2029-n. Njoftimi për firmën në kontratën e re është bërë nga klubi rus duke u frymëzuar nga pjesë të serialit të njohur koreano-jugor, “Squid Game”.
Ky rinovim erdhi pas një periudhe pasigurie, ku Daku (27-vjeç) ishte shumë pranë kalimit te Zeniti, por në momentet e fundit gjithçka dështoi dhe marrëveshja nuk u realizua. Rubin Kazan ia doli të bindte Dakun për rinovimin me një pagë që së bashku me bonuse kap shifrën e 3 milionë eurove në sezon.
Në klipin simbolik, Daku zgjedh letrën e kuqe që përfaqëson Rubin Kazanin dhe i gjuan bluzës blu të Zenitit, një mënyrë origjinale për të shpallur vendimin e tij. Klubi rus i ka plotësuar kërkesat financiare të sulmuesit shqiptar, gjë që ka ndikuar direkt në vendimin për të rinovuar kontratën.
Më parë, kontrata e Dakut ishte e vlefshme deri në verën e vitit 2026, por tani ai është i lidhur me Rubinin edhe për tre sezone të tjera.
Komente
