Një 25-vjeçar është ndaluar nga Policia e Tiranës pasi kishte ndërtuar pa leje dhe prezantohej sikur ishte shofer i kancelares së SPAK.
Gazetari i Report Tv, Sokol Dema, raporton se i ndaluari është Romario Ibraliu. Ai kishte kërcënuar inspektorët e IMT-së që të mos ndërmerrnin veprime dhe të mos e procedonin, pasi kishin konstatuar se 25-vjeçari kishte ndërtuar banesë pa leje në zonën e Farkës në kryeqytet.
Kërcënimet ai i bënte duke u prezantuar si shofer i kancelares së SPAK.
Pas verifikimit rezultoi se Romario Ibraliu nuk ka punuar dhe nuk punon në SPAK. Pas konstatimit të objektit pa leje, IMT-ja i ka dërguar materialet në organet ligjzbatuese për hetime të mëtejshme.
Aktualisht policia po vijon veprimet procedurale për dokumentimin e plotë të rastit.
Komente
