Në ditën e tretë të protestës së banorëve të Rinasit, një pjesë e prindërve kishin marrë me vete edhe fëmijët, për pasojë nuk kanë shkuar në shkollë. Lidhur me këtë ka reaguar ministria e Arsimit, Evis Kushi, i cila tha se fëmijëve nuk duhet t’i privohet e drejta e tyre themelore për arsim.
“Jam njoftuar sot nga strukturat tona arsimore në shkollën 9-vjeçare “Rexhë Deliu” në Rinas që pjesa më e madhe e prindërve nuk i kanë sjellë sot fëmijët e tyre në mësim.
Të dashur prindër, duke vlerësuar të drejtën për të protestuar të çdo qytetari në një shoqëri demokratike, ju lutem që të mos i privoni fëmijët nga e drejta e tyre themelore për arsimim. Çdo orë mësimi ka vlerë për fëmijët tanë, prandaj duke shpresuar në mirëkuptimin tuaj kam besim që nesër mësimi do të vijojë normalisht edhe në këtë shkollë.”, shkruan ministrja.
Lajmi kryesor:
Rruga me një sens/ Banorët e Rinasit sërish në protestë! S'çojnë fëmijët në shkollë, bashkë me ta marshuan dhe bllokuan rrugën për rreth 2 orë: Rrugicat alternative të pa aksesueshme
J.GJ./ReportTv.al