Një ngjarje e paprecedentë është shënuar në Bulqizë mbrëmjen e djeshme, ku disa persona kanë qëlluar me armë ndaj Inspektorëve të pyjeve të ardhur nga Tirana dhe atyre nga Bulqiza.
Personat që kanë qëlluar drejt inspektorëve dyshohet të jenë punëtor në minierat e Bulqizës të cilët nxjerrin shtylla për të bërë trarët e galerive. Por duke ditur se prerja e druve është e paligjshme ata kanë dalë për të kryer aktivitetin gjatë natës në malin e Tërnovës. Sapo kanë dëgjuar se inspektorët e pyjores po afrohen në drejtim të tyre ata kanë qëlluar me breshëri në ajër.
Fatmirësisht nuk ka patur persona të lënduar. Ndërsa nga një denoncim i ardhur në Report Tv, bëhet e ditur se mes 4 inspektorëve ka qenë i pranishëm edhe drejtori i policisë pyjore.
" Mirmbrema!Para 15-20 min eshte gjuajtur me bresheri automatiku drejtori i policise pyjore bashke me 4 inspektore ne Ternove te Bulqizes pasi kane kap 4 kamione me dru" shkruan denoncuesi për Report Tv.
Pasi kanë dëgjuar të shtënat inspektorët kanë lajmëruar policinë e Bulqizës, ku këta të fundit kanë shkuar tashmë në vendngjarje dhe po hetojnë.
Komente
Jane nje familje (Liçi) nga fush bulqiza qe po shkaterrojne hektare te tere me Pune duke masakruar veç te tjerash edhe nje zone turistike te quajtur Liqeni I Bardhe. Shteti nuk duket fare per ti rrasur brenda keta maskarenj.
PërgjigjuKafsheri
Përgjigju