Dan Ndoye ishte përfolur si një nga objektivat e merkatos së Napolit, por sulmuesi zviceran është shumë pranë transferimit në Premier League.
Nottingham Forest ka arritur një marrëveshje me Bolognan për kartonin e lojtarit, me një akord që kap vlerën e 40 milionë eurove, plus 5 milionë euro bonuse. Për të siguruar ‘po-në’ e Ndoye, klubi anglez ka ofruar një pagë prej 5 milionë eurosh në sezon, një shifër që duket se ka bindur plotësisht futbollistin.
Orët në vijim pritet të jenë vendimtare për mbylljen e transferimit, teksa palët janë në detajet e fundit para firmës në kontratë. Me këtë lëvizje, Nottingham i jep një shtysë të fortë merkatos, ndërsa Napoli mbetet pa një nga objektivat kryesorë të repartit sulmues.
Komento
Komente
