PD e Rithemelimit kërkon interpelancë me ministren e Shëndetësisë dhe Çështjeve Sociale, Albana Koçiu për projektligjin e hedhur për konsultim publik e që ka shkaktuar debate të forta “Për Shëndetin riprodhues e fertilizimin e Asistuar”.
Kërkesa e firmosur nga deputeti Tritan Shehu përmban 13 pyetje drejtuar Koçiut mbi nismën, duke kërkuar përgjigje pse ky projektligj mbi surrogacinë është kërkuar pikërisht tani duke thënë se është një procedurë që godet dinjitetin e gruas duke e trajtuar si skllave me pagesë.
Po ashtu deputeti i Rithemelimit ngre 13 pyetje edhe për ndryshimet mbi abortin.
Pr/ligji për riprodhimin e asistuar është hedhur për konsultim publik, ndërsa ka hasur kundërshtimin e komuniteteve fetare dhe shoqërisë civile në dëgjesat që ministria ka patur me ta.
Pr/ligji mbi surrogacinë -Kërkesa për interpelancë e Rithemelimit me ministren Albana Koçiu
