BRITANI E MADHE- Britania e Madhe ka arritur të vaksinojë kundër COVID-19 me një dozë 34.6 milionë qytetarë dhe plotësisht 15.5 milionë, ose 30 % të të rriturve.
Ministri britanik i Shëndetësisë, Matt Hancock, ka dhënë mesazhin e tij përmes një videoja të publikuar në rrjetin e tij social Twitter.
Ministri u shpreh se tashmë janë kryer 50 milionë vaksinime në të gjithë Britaninë dhe se kjo është një arritje, pasi vaksina është rrugëdalja nga pandemi e COVID-19.
Ai shprehet plot shpresë se këtë vit britanikët do të kenë një verë të shkëlqyer!
“Ne kemi bërë më shumë se 50 milionë doza të vaksinës kundër COVID-19 në të gjithë Britaninë. Kjo është një gjë shumë e rëndësishëm, pasi është një vaksinë e cila shpëton jetë dhe mbron ty dhe te gjithë njerëzit që ke rreth vetes. Kjo është rrugëdalja jonë nga pandemia e COVID-19 dhe kjo është falë programit të vaksinimit. Unë e di që do të kemi një verë britanike të shkëlqyer”, tha Hancock në videon e publikuar.
Britania e Madhe është një ndër vendet që tashmë ka arritur të stabilizojë gjendjen e saj epidemiologjike.
Ditën e djeshme Britania shënoi vetëm 1 humbje jete nga COVID-19, pas 9 muajsh ku shifrat ishin stratosferike.
