Prodhimi ditor në fushën e naftës të Patos-Marinzës ka arritur në rreth 11 mijë fuçi. Sipas kompanisë koncesionare Bankers Petroleum Albania, në të gjithë fushën aktualisht ka mbi 630 puse aktive, ku më shumë se 70% e tyre janë puse prodhimi dhe pjesa tjetër janë puse injektimi dhe depozitues.
Kompania planifikon të rrisë investimet në fushën e naftës në mënyrë që të rrisë prodhimin dhe të arrijë nivelet para pandemisë. Në shtator 2021, çmimet e naftës Brent u rritën mbi 80 dollarë amerikanë / fuçi në krahasim me rreth 40 dollarë / fuçi vitin e kaluar, gjë që mundëson rritjen e investimeve në këtë sektor.
Në total, gjatë 8 muajve të parë të vitit 2021, rreth 440 mijë tonë naftë bruto u prodhuan në Patos-Marinzë. Drejtuesit e Bankers janë optimistë se prodhimi do të përmirësohet në muajt e ardhshëm falë jo vetëm rritjes së investimeve, por edhe përmirësimit të efikasitetit në operacionet e përditshme të prodhimit të naftës.
Pjesa më e madhe e naftës bruto të prodhuar nga fusha e naftës Patos-Marinzës është eksportuar në tregjet e huaja për shkak të kapaciteteve të ulëta të rafinerive vendase.
Nafta e prodhuar në fushën Patos-Marinzës përbën mbi 90% të totalit të naftës së prodhuar në vend.
Kompania ka ndikim të rëndësishëm në pagesat e taksave për buxhetin e shtetit si dhe për njësitë e qeverisjes vendore. Në total, mbi 800 milionë dollarë taksa janë paguar që prej vitit 2014.
Komente
Ky koncesiinari paska pagu 800 milion taksa per 7 vjet po vet sa ka fituar apo kjo esht sekret
PërgjigjuKa fituar plot. Por se kuptoj si mburren me 11 mije fuci nafte prodhim ditor. Ne kohen e kanadezve arriten te prodhonin dhe 20 mije fuci nafte ne dite. Kinezet po e groposin Marinzen jo po e zhvillojne.