Pirro ta duash Greqinë, por ne s‘të kemi asnjë borxh, përkundrazi. Në Shqipëri qave e qeshe për herë të parë, u rrite u bëre i famshëm. Mos i hiq vetes pjesën më të bukur të fëmijërisë dhe rinisë. Mos harro! Shqipëria të lau me flori, nuk ishin pak 15 medaljet e arta si peshëngritës, të bëri Mjeshtër Europe.
Ndjehem i detyruar t’i përgjigjem Pirro Dhimës, ndoshta për një arsye të thjeshtë njohjeje, si mjek sportiv, ku ai kaloi disa herë për tu vizituar dhe analizuar si sportist. Prej teje Pirro ruaj kujtime të mira. Ti ishe peshëngritës i madh i Shqipërisë. Kur kohët ndryshuan dhe ti u përpoqe për një jetë më të mirë, u shndërrove si ajo bima që transportohet në kubikë. Pra ishe formuar këtu, në vendlindje. Mos harro se ke marrë 15 medalje ari për Shqipërinë, disa prej të cilave atje në Greqi. Ke zënë vendin e katërt në Europë për të rritur dhe u bëre Mjeshtër i Europës, për peshëngritjen shqiptare.
Në Litohoro (Piereias) 25 km. nga Katerini, në këmbët e malit Olimp u njohe edhe me shoqen e jetës, Anastasinë. Lindët 4 fëmijë, vajzën tani 17 vjeçe, djalin 14, vajzën 12 dhe të voglin e pleqërisë 3 vjeç. Në këtë drejtim je treguar shqiptar i vërtetë.
Ty Pirro nuk të ngatërron asnjë këtu tek ne me minoritarin, sepse ti je himarjot i lindur në Tiranë dhe po të gërmosh historinë, do të gjesh në Himarë emrat e veriut të Shqipërisë, të njëjtat zakone këngë dhe valle. Himarjotët para se të mësonin greqisht dinin shumë mirë latinisht dhe italisht të paktën kështu thotë historia.
Në një shkollë “Lykeio” Litohoro, mundet nga viti 1997, kur ishe kthyer një peshëngritës i famshëm i Greqisë, “si nga fshati i gruas” u përpoqe të nxish çdo realitet tonin.
- “Unë Pirro Dimas nuk kisha të haja në Shqipëri se isha grek” . Kështu pate thënë në atë shkollë, fjalët pezmatuan jo vetëm shqiptarët, arvanitasit por edhe grekët vetë. Unë që njoh mirë mensën e “KS 17 Nëntori”, e di se sa mirë ju kanë mbajtur me ushqime, megjithëse vendi ishte në krizë. Sepse vendet Pirro kalojnë kriza siç po kalon dhe Greqia tani. Ganimetin, “Momën kuzhinjeren” shpirtmirë ti nuk e harrove, i solle një “dhoro” të vogël, të cilën ajo e tregonte me lot në sy, duke kujtuar me shumë mall Pirron e saj, çamarokun.
- Unë Pirro Dimas nuk më jepnin shkollë se isha grek.
Jo mor Pirro, në kohën që kam përfunduar “Fakultetin e Mjekësisë” ka patur disa djem të mrekullueshëm të minoritetit që janë bërë mjek të zotë. Ti personalisht nuk je shquar në mësime, megjithëse po ta them siç e kam thënë kudo, se gabuan me ty, duke mos të pranuar në ILKF “Vojo Kushi”. Ti mund të zemërohesh me disa shqiptarë, por kjo nuk të lejon të zemërohesh me të gjithë Shqipërinë.
Në stacionin televiziv “Mega”, në vitin 1992, të panë shumë shqiptarë, të cilët kuptuan se truku grek kërkonte që trajnerin tënd, Zef Kovaci ta bënte trajner italian. Në vend të vëllait tënd për të përkthyer, kishte ardhur një grek që dinte italisht për ta përforcuar gënjeshtrën. Kaq inat na paskan, sa dhe emrin e Shqipërisë nuk duan ta dëgjojnë? Çudi!!! S`dimë tu kemi bërë ndonjë të keqe kujt.
Pirro ti ke emrin e madh të Pirro Burrit, Pirros tonë të Epirit, Shqiptarit të madh, por ti gabon kur kërkon të bësh histori, sepse ti, kur flet për Epirin flet për atë politik ndërsa në të vërtetë duhet folur për Epirin gjeografik. Edhe Skënderbeu ynë është quajtur Princi i Epirotëve. Shko e shikoje në Vjenë, armaturën e Heroit tonë Kombëtar. Nëse Greqisë ti i kujton Vorio Epirin, që kërkojnë disa qarqe greke ta sjellin në vëmendje, e ke gabim. Po të kujtoj se në kohën e Perikliut të madh, Greqia ka qenë më pak se 1/3 e asaj të sotmes. Ne, fqinjëve tanë grek mund t’i kujtojmë Revolucionin për Pavarësinë dhe filantropët e mëdhenj shqiptarë, Çamërinë tonë, popullin e saj të shumëvuajtur dhe heroik, marrëveshjen e Fanarit, mallkimet e gjuhës shqipe, çkishërimet, helmimet e misionarëve të gjuhës shqipe dhe të kishës sonë etj. Këtë duhet ta dëgjojnë të gjithë, se kështu shtypet e keqja dhe ruhet fqinjësia e mirë që dëshirojmë. Historia e Greqisë është e bukur, por më e shumta është mitike ndërsa ne shqiptarët kemi histori me të vërtetë heroike. Mos të harrojmë Vangjel Zhapën rilindasin e “Lojërave Olimpike”, që grekët e tu e duan shumë, por harrojnë që ai është shqiptari që ka ndërtuar kisha, manastire, xhami e tyrbe. Pa më thuaj Pirro a ka ndonjë grek që bën xhami? Nga ana tjetër çe shtyu këtë njeri të rilindë Lojërat Olimpike? A mos ish thirrja e të parëve tanë ilirë? T’ja lëmë këtë historisë se ka shumë për të thënë për ne shqiptarët.
Kur erdha në Greqi në vitin 1992 me Ylli Shehun për një ndërhyrje kirurgjikale në gju, ti na prite si miq. Më shumë anoje nga ne, se nga grekët të paktën këtë përshtypje më krijove. Kishe vuajtur, na the, në atë shtëpi bodrumi, ku tubat e ujërave të zeza i kishe gati mbi kokë dhe që shkarkoheshin me zhurmë kohë pa kohë. Na fole për punën e rëndë në ndërtim dhe llaçin që gatuaje me shumë mundime. Për të gjitha këto sakrifica dhe atë vendosmëri të palëkundur për të arritur diçka në sport, u krenova me ty, të admirova.
Por për tu habitur, me kalimin e kohës ti njeri kaq i mirë dhe i famshëm, u bëre i çuditshëm dhe i pakuptueshëm. Mendon se duhet të bësh politikë të tillë, që të jesh deputet i mirë për Greqinë? Por ti s’ke qenë kurrë politikan dhe propozimin për deputet duhet ta kuptosh mirë. Në këto momente krize, politikanët grek janë thuajse të urryer nga populli i tyre. Elektorati thotë më mirë Pirron, që megjithëse nuk njeh politikën, do të jetë i drejtë dhe i mirë me ne, Pirron peshëngritësin e shekullit, Pirron që e kujton Londra me një stacion të metros, nga ku do të hyhet në sallën e peshëngritjes, në Olimpiadën, Londër 2012. Edhe Greqia duhet të të bëj monument dhe e meriton, se në fund të fundit nga monumentet e lavdishëm është bërë dhe vetë ajo. Prit Pirro, prit i qetë dhe mos na “vringëlli armët”. A nuk e kupton se të ka ardhur koha e dilemës më të ligë në jetën tënde? Pjesa më e “keqe” e Greqisë, nuk të duan për të ngritur pesha sepse e dinë që ti nuk mundesh dot tani, por të duan që të jesh i besuar në melodinë Vorio-Epiriote sepse ka shumë grekër që nuk e besojnë më këtë propagandë të dalë - boje. Prandaj kur kërkon të flasësh duke u kthyer nga ne, është mirë tu drejtohesh atyre. Ne e dimë se çfarë është Vorio Epiri. Kjo daulle e çarë, e riparuar shumë herë vazhdon të bjerë duke lodhur më kot daullexhinjtë.
Pirro desha të kujtoj se dhe në ato kohë kur nuk kishim shtet dhe Greqia mund të na uzurponte lehtë, ne shqiptarët e kishin nga një pushkë në shtëpi. Kur duhet shqiptari nuk e turpëron veten për trimëri.
Pra të paktit grekë të duan për të turpëruar. Nuk ka as një shpjegim tjetër, duhet t’i kthesh me turp ato që ke marrë me djersë.
Tani meqë ke kohë që je larguar nga Shqipëria po të shkruaj një vjershë të Petro Nini Luarasit, të freskohesh pak, të bësh politika më të mira dhe me minoritarin, të kuptosh më mirë se kush jemi, kemi qenë e do të mbetemi ne shqiptarët.
Thonë s‘ditka Krishti shqip
Dhe shqip - fjale s‘pret prej nesh,
Vetëm në gjuhë greqisht
Të dëgjon e të mban vesh.
Po dhe Krishti ndë na thëntë
Se- “Jam grek, jakni pas meje”,
Do t‘I themi: - Pa mblidh mëntë,
Se Shqiptari s‘vjen pas teje!
Gjuhënë e kemi tënë
Të vjetërë dhe të vlyer
Nga perëndia ish thënë
Që ta ruajm të çkëlqyer.
Ironia e Petro Nini Luarasit
në poezinë “Kundër mallkimit
të gjuhës shqipe”
Komente
Vlersimet e mia për ktë shkrim Shum shum i spikatur Mir ja ke bër ktyre dreqërve që për ca letra e Lek Shesin edhe të sëmën e tyre Një turp i madh për ktë tradhtar të ndyr Une vet më kan afruar dy mundsi për peshngritje në atë shtet ibrid greqi edhe spranova më mir buk e krip se sa të tradhtoja Prindërit e Atdheun
PërgjigjuJu lumtë profesor,një shkrim kuptimplot, më se i vërtetë dhe me respekt. Do të ishte mirë,siç thotë edhe adashi juaj, që të botohej edhe në greqisht (për opinionin e gjerë grek)
PërgjigjuNje shkrim i detajuar bukur qete dhe fjale per fjale Realitet i plote.. Mire njohje Doktor.. Por nje fjale e vjeter thote : Ngarkohet gomari fort se nuk di te Kaleroje! Keshtu ndodh dhe me Pirron TONE " Grek "
PërgjigjuSa realist, intelektual aq dhe emocionues! Urime doktor! Ca njerez nuk e kuptojne se mohimi i nje pjese te jetes, ne nje kohe kur nuk ke qene i diskriminuar, por i trajtuar si te tjeret, qofsh shqiptar, grek apo kinez,vetem te zvoglon, tregon nje problem te rende kulturor. Sa shume jane lartesuar grew te mirefillte, te vertete, bile nga Athina, te cilet kane vleresuar e cmuar jetesen midis shqipetareve. Ata vetem jane lartesuar me qendrimin e tyre. Kam njohur ne grua te rralle, Panajota Konomi nga Athina, por mortuar me Shqiptar nga Palasa, e cila ne moshen 85 vjecare botoi ne Athine nje liber me kujtime ku thelbi ishte " midis dy dashurive popullit shqiptar dhe grek". Ky qendrim vetem te larteson. Sa do vleresohesh Pirro nese do mbante qendrim te tille!!!
PërgjigjuBravo Dr Profesor Lluka Heqimi
PërgjigjuJanë shumë të ngatërruara punët Dok.Lluka edhe neve nuk jemi të kulluar pastaj kemi njëqind vjet po me këto muhabete merremi jo e jona jo e imja ka mbaruar kjo histori.Por secili e bën për interesat e veta.
PërgjigjuBravooo
PërgjigjuBravo profesor. Duan shumë leksione gjakprishurit jashtë dhe brënda. Bravo.
PërgjigjuTe lumte mendja, i dashur Lluka. Shkrimi yt eshte kaq i vlerte, saqe prej atdhedashurise qe e pershkon, te vertetave qe analizon, dashamiresise e humanizmit qe shpalos, qytetarise we ka si bosht, mbetet nje shembull per cdo intelektual i cili kerkon te shprehet perpara opinionit publik. Me respekt te thelle, Berti
PërgjigjuBRAVO ADASH ,JA KE THËNË SAKTË E MIRË,, PO KUJT JA KE THËNË SE AI ËSHTË VETËM NJË MOSMIRËNJOHËS.Dotë ishte me vlerë që ky shkrim të përkthehej për publikun grek. Të përshëndes dhe të uroj shëndet e gjithë të mirat TY DHE FAMILJES O MIKU IM I SHKËLQYER.
PërgjigjuBravo disa njerëzve duhet t'ua kujtosh nga vijnë e ç'ka bërë vendi i tyre për t'a. Por këtu gjen vend mallkimi:" harram buka e venditku linde e i rrrite
PërgjigjuBravo Profesor
PërgjigjuBravo professor.
PërgjigjuRespekt doktor Heqim!
PërgjigjuRespekte doktor me të vërtetë është një shkrim i shkruar me zemër ashtu siç ju keni shëruar plot sportistë por kujt i thua Pirro Dhima është gjakprishur dhe injorant në një nivel me plerën Fredi Beleri dhe këtu dallimi qëndron se Pirro ka vrarë me fjalë ndërsa Beleri me plumba.
PërgjigjuTe lumte Profesor Lluka ! I ke folur me shpirtin e nje shqiptari te vertete ! Tironci
PërgjigjuJu lumtë dora dhe mendja!
PërgjigjuRespekte per Profesor Heqimin. Nje shkrim realist I bere me njerzillek, dashamiresi dhe shqiptari, qe vlereson e nuk moron e nuk ofendon, veçse ia thote Pirros ate qe meriton: I zoti ne sport dhe I vleresuar ne Shqiperi, brryl ne shkolle dhe bukeshkale me pas. Po I.ka mbetur sadopak shqiptari, t'i ktheje pergjigje profesorit me uresi qe te nderoje disi vetveten.
PërgjigjuDoktor të LUMTË PENA se qëni i rrugësquhet LAMASH.Ai nuk meriton vëmëndien e Shqipëris t'a lëmë nëhalenë e tij të jetojë turpin e tij e të sojit të tij.Dr. të lumtë.
PërgjigjuTe lumte doktor .Fjale te thjeshta ,te pastra e ta qarta per kedo .
Përgjigjutë lumtë mëndja Profesor LLukani!!!
Përgjigjutu ndritemendja profesor ai le te thote cte doje tashme !
PërgjigjuBravo Lluka Heqimi, me befasove jo vetem me patriotizmin tend, por me talentin tend te lindur te shkrimtarit dhe gazetarit!
PërgjigjuTe lumte dora doktor, ja ke ber shum mir atij mosmirenjohesi, qe shiti veten per pese dhrami te qelbta.Flm
PërgjigjuShkrim i shkelqyer. Faleminderit qe e sollet.
PërgjigjuI madh DR
PërgjigjuNje BRAVO e madhe, per Dr.shembullor dhe patriotin e atdhetari e pa epur.