Ministrja Manastirliu deklaroi sot në Ditën Botërore kundër kancerit se për përmirësimin e diagnostifikimit dhe trajtimit të tumoreve janë investuar 10 milionë euro. Ajo u shpreh se me vendosjen e akseleratorit të ri linear në QSUT mundësohet shërbimi radioterapik edhe për fëmijët e prekur nga tumoret, si dhe janë ulur me tre herë radhët e pritjes për pacientët që kryejnë radioterapi.
Manastirliu u shpreh në Komisionin e Shëndetësisë në Kuvend se programi kombëtar i depistimit të kancerit të qafës së mitrës ka nisur të zbatohet me trajnimin e mjekëve të familjes dhe infermierëve në të gjithë vendin dhe brenda muajit mars, do të nisë kryerja e analizës HPV falas për rreth 16 mijë gra në vit.
Ministrja deklaroi më tej se është ulur barra e sëmundshmërisë dhe se financimi publik është rritur me 43.3 %, krahasuar me 5 vite më parë. “Tre programe parandalimi për tumoret që sot ofrohen në nivel kombëtar (Kontrolli Mjekësor Bazë, Programi i depistimit të kanceri të gjirit dhe programi më i ri, i depistimit të kancerit të qafës së mitrës, kanë sjellë një ulje të rasteve të vdekjeve që lidhen me tumoret, duke konfirmuar trendin e njëjtë me atë të vendeve të Bashkimit Europian”, tha Manastirliu.
Ajo u shpreh gjithashtu se është përmirësuar ndjeshëm edhe trajtimi me barna për të sëmurët me kancer. “Për sëmundjet tumorale financojmë sot mbi 2.5 herë më shumë barna nga lista e barnave të rimbursueshme, ndërsa është rritur me afro 2 herë mbulimi me barna imunoterapeutike në spitale. Sot është fakt se mbulojmë 100% trajtimin e kancerit të gjirit për gratë”.
Komente
Kanceri i lartepermendur shkaktohet nga Papillomavirus. Methenamine Hippurate Tablets 1 gram, i cili ndalon infektimin, rrjedhe e te se cilit pra ifektimit do te ishte tumori gjegj. kanceri. Eshte medikament i lire ( per kete arsyje i pa-njohur ) por evektiv. PS: Mjeket do u propozojne vaksinim (se paku ne perendim, ju lutem mos beni kurrfare VAKSINIM-PREVENTIV, te tjeret do te fitojn, JU DO TE HUMBASNI, ju garantoj. C`DO VAKSINIM = burimi i shume semundjeve te keqija!!! Flmd. per mirkuptim.
Përgjigju