Opozita ka reaguar për progres-raportin e publikuar nga Komisioni Evropian për Shqipërinë i cili pritet të miratohet në Bruksel. Deputeti i PD, Gazment Bardhi tha se raporti konfirmon shqetësimet e opozitës për zhvillimet në parlament.
Bardhi shkruan se në raporti e vlerëson si alarmante situatën e korrupsionit dhe krimit të organizuar.
“Shqipëria nuk plotëson asnjë standard europian politik, ekonomik dhe social. Skaneri i Komisionit Europian e nxjerr Shqipërinë e drejtuar nga Edi Rama si vendin me sëmundje të rënda të demokracisë. Raporti konfirmon shqetësimet e drejta të opozitës për mungesën e lirisë në Parlament, për kufizimin e së drejtës kushtetuese për ngritjen e komisioneve hetimore, për përjashtimet arbitrare të deputetëve, për mungesën e përparimit në reformën zgjedhore.
Komisioni Europian vendos gishtin në plagë, kur vlerëson situatën alarmante të korrupsionit dhe krimit të organizuar. Niveli i Shqipërisë renditet nga Komisioni Europian poshtë mesatares në të dyja këto fusha jetike, sepse qeveria e Edi Ramës nuk ka në axhendë luftën serioze kundër krimit dhe korrupsionit. Përmes tyre, Edi Rama ble zgjedhjet dhe zgjat pushtetin e tij, që po rrënon çdo ditë shqiptarët”- shprehet Bardhi.
Po ashtu për progress raportin ka reaguar edhe deputetja, Jorida Tabaku sipas së cilës vlerësohet roli që do të ketë opozita në procesin e integrimit të vendit drejt Bashkimit Europian.
Shkrimi i plotë i Tabakut:
Përshëndetje nga Berlini nga Bundestag! Sapo është publikuar raporti i progresit për Shqipërinë dhe tre janë fushat kryesore. Së pari, problematikat me zgjedhjet bazuar mbi të gjitha rekomandimet e OSBE/ ODHIR, dhe nevoja për një reformë të plotë zgjedhore.
Së dyti, roli i parlamentit në mbikëqyrjen e qeverisë, shtylla kryesore e demokracisë është balanca dhe kontrolli i pushteteve.
Në qoftë se opozita nuk ka vend për Komisione Hetimore, për thirrje në seanca interpelance, por dhe të gjitha mjetet e tjera që ofron hapësira parlamentare. Atëherë kontrolli i qeverisë vihet në pikëpyetje.
Progres-raporti, njeh dhe vlerëson ligjin e ri për proçesin e integrimit, dhe rolin që do të ketë opozita në këtë proçes.
Së treti, lufta kundër korrupsionit, nuk mund të jetë një deklaratë politike e ditës, por një çështje e vullnetit politik dhe tashmë duhet të lëvizim nga vetëm hetimi i rasteve të korrupsionit, por duhet të shkojmë edhe në hetimin dhe gjykimin e plotë të tyre.
Komente
Bardhi do tregoj ne cdo cast ne cdo moment se sa i pa afte eshte se sa person negativ eshte ne politiken shqiptare.Komisioni evropian po shprehet qart qe ngjarjet dhe Levizjet politike ne vend duhet ti shikoni nga kend veshtrimii i duhur e jo si ti teket ketij bashk me banditet e tjere me ato veprime rrugacerie qe ben!!Eshte fajtor kok e kemb ushtruan dhune barbare ne parlament dhe jo dialog e do te dali dhe i lare tani , ska as turp as dinjitet!
Përgjigju