Në fillim të muajit maj Inter dhe Milan do t’i paraqesin Komunës së Milanos projektin përfundimtar për stadiumin e ri. Lajmi është konfirmuar nga “Corriera della Sera” e cila më tej shkruan se projekti do të marë 6 vite kohë dhe ideja e dy klubeve është për ndërtimin e një stadium të ri, me një kapacitet prej 55-60 mijë spektatorë.
Një ide tjetër ishte edhe rikonstruksioni i “San Siro-s”, por duke parë kostot, kohën dhe rrezikun që mund të sjellin punimet gjatë kohës që luhen ndeshjet, është vendosur ndërtimi i një imapianti të ri, që do të jetë në vendin ku aktualisht është parkingu i “San Siro-s”.
Mbetet për t’u parë nëse projekti i dy klubeve nga Milano do të gjejë konfirmimin e kryetarit të Komunës, por ideja është që punimet të jenë në tre faza. Faza e parë do të marrë tre vite dhe do të jetë për ndërtimin e stadiumit të ri, ndërkohë që Inter dhe Milan do vazhdojnë të luajnë në “San Siro”.
Faza e dytë do të marrë një hark kohor prej 6 muajsh dhe do të shërbejë për prishjen e “San Siro-s”, ndërsa faza e 3 ka të bëjë me rregullimin e zonës dhe shndërrimin në parking të vendit ku sot është stadiumi. Kjo e fundit do të marrë një periudhë kohore 2 vite e gjysmë.
Komente
