Eloida Goxhi, Drejtuesja e prokurorisë së Beratit doli ketë të martë para Komisionit të Pavarur të Kualifikimit. Komisioni i Pavarur i Kualifikimit zhvilloi ditën e sotme seancën dëgjimore, në ish-Pallatin e Kongreseve ku prokurorja e Beratit Eloida Goxhi ishte përballë trupës gjykuese të përbërë nga Xhensila Pine, Brunilda Bekteshi, Suela Zhegu.
Mbi bazën e analizës së hetimit nga KPK prokurorja Goxhi,vlerësohet në tre kriteret bazë të vlerësimit të prokurorëve, atë të ligjshmërisë e pasurisë saj, si dhe verifikimin etik e profesional të saj.
Eloida Goxhi, në vitin 2010 ka mbaruar Shkollën e Magjistraturës dhe e ka nisur fillimisht detyrën e saj në Prokurorinë e Durrësit, ndërsa në vitin 2010 ajo është emëruar në Prokurorinë e Beratit, ku aktualisht mban akoma pozicionin si drejtuese e prokurorisë në këtë qytet.
Vettingu per Goxhajn është bërë në të tre kriteret e vlerësimit, pasuri integritet moral e profesional.
Mbi bazën e raportit të ILDKPI-së rezulton se prokurorja Goxhi nuk ka fshehur pasurinë, duke bërë deklarim të saktë burimeve finaciare në formularin e vetëdeklarimit. Nga vlerësimi hetimor bëhet e ditur se Goxhi ka investuar bono thesari me vlere 1.2 ml leke në një bankë të nivelit të dytë. Po ashtu edhe në një tjetër banke me vlerë 1 ml lekë.
Prokurorja ka patur të ardhura per pasurine ne likujditete prej 2.7 mil leke investime ne bono dhe llogari rroge.
Pas hetimit të thelluar Komisioni i Pavarur i Kualifikimit ka konstatuar likuiditete në bono thesari në një vlerë prej 2. 2 milione lekë si edhe llogari rroge. Komisioni i Pavarur i Kualifikimit, është deklaruar se nga raporti DSIK subjekti Eloida Goxhi është e përshtatshme për të vazhduar detyrën., pasi rezulton e pastër edhe nga ana profesionale.
Në fund të seancës Goxhi ka thënë se është dakort me rezultatet e hetimit, ndërsa ka kërkuar konfirmimin e saj në detyrë . Ndërkohë nuk ka dhënë shpjegime për 3 denoncimet të bëra më hertë, ku Goxhaj akuzohet për zvarritje çështjesh dhe per moskryerje hetimesh. Pas seancës së ditës së sotme pritet që vendimi për sublektin e vlerësimi Eloida Goxhaj, të jepet më datë më datë 20 dhjetor ora 09.00.
Komente
