Përmbyllet me sukses programi “Zhvillimi i Integruar dhe i Qëndrueshëm i Rajonit Bregdetar Jugor” në Kalanë e Tiranës. Ky projekt i nisur që prej vitit 2013, financuar nga qeveria gjermane dhe implementuar nga GIZ kishte si synim nxjerren në pah dhe promovimin e vlerave tradicionale e kulturore e turistike të vendit tonë.
Eventi kishte në fokus prezantimin e produkteve që solli ky projekt 4-vjeçar, konvertuar në piktura, broshura si edhe souvenire të cilat kishin si qellim promovimin e Shqipërisë. Nën shoqërinë e videove promovuese, broshurave si edhe ushqimit të mirë u prezantua në mënyrë të përmbledhur ky projekt.
Në këtë event përmbyllës, ish-ministrja e Ekonomisë Milva Konomi, si edhe deputetja e Partisë Socialiste Eglantina Gjermeni theksuan se turizmi është një nga sektorët më të rëndësishëm për zhvillimin e vendit ndaj dhe kërkon një fokus më të madh.
Për gjatë këtyre katër viteve, në kuadër të këtij projekti janë zhvilluar evente të ndryshme në bregdetin e jugut. Festivale, evente, dhe dokumentare të ndryshme i janë ofruar turistëve vendas dhe të huaj, duke nxitur kështu zhvillimin turistik. Eventi kishte si qellim ndryshimin e perceptimit të banorëve të zonës për sa i përket turizmit, dhe për ti motivuar ata në mbrojtjen e aseteve kulturore dhe natyrore si qellim edhe zhvillimin e ekonomisë, si edhe promovimin e turizmit bregdetar shqiptar.
Komente
