Ditën e sotme është parandaluar një përshkallëzim i konfliktit të mëtejshëm me armë zjarri mes dy kushërinjve në Kombinat të Tiranës.
Si rrjedhojë e konfliktit për pronën, 40 vjeçari, B.K ka kërcënuar me pushkë kushëririn e tij, B.K. Ndërhyrja e policisë ka bërë të mundur parandalimin e përshkallëzimit të konfliktit. Lidhur me ngjarjen, policia ka sekuestruar armën e zjarrit (pushkë) me të cilën 40 vjeçari kërcënoi kushëririn e tij.
“Në momentin e ndërhyrjes së shërbimeve të Policisë, 40-vjeçari ka tentuar ta fshehë armën e zjarrit pushkë, në afërsi të banesës së tij, por ajo është gjetur nga shërbimet e Policisë dhe është sekuestruar në cilësinë e provës material”-thuhet në njoftimin e bluve të kryeqytetit.
Komento
