KINW- Një ngjarje e rëndë është regjistruar në qytetin lindor të Kinës, Suzhou, pasi një hotel 4-katësh është shembur dhe i ka marrë jetën 17 personave.
Pas 36-orësh kërkimi nën rrënojat e ndërtesës, forcat e specializuara kanë nxjerrë 23 persona prej të cilëve vetëm 6 kanë arritur t’i mbijetojnë shembjes.
Sipas hetimeve paraprake u zbulua se shembja është shkaktuar si pasojë e punimeve të pronarit të hotelit, i cili i ka shtuar ndërtesës edhe një kat tjetër, duke rënduar strukturën.
“Ndërtesa fillimisht ka pasur vetëm 3 kate, më pas me kalimin e viteve to u bënë 4, pronari i ka shtuar”, u shpreh një banor i zonës.
Ekipet e hetimit të incidentit që rezultoi tragjik, u shprehën se personat përgjegjës do të përballen me drejtësinë.
Hoteli u shemb ditën e hënë dhe menjëherë në vendngjarje u paraqitën 600 punonjës shpëtimi të cilët nuk ndalën ritmin e punës për asnjë moment.
.
