Propozimi i Macron, pritet të mbledhë në diskutime më 6 tetor të gjithë liderët e Ballkanit Perëndimor mes tyre edhe Shqipërinë. Projekti i Komunitetit Politik Evropian parashikonte krijimin e integritetit të Ukraniës (apo edhe vendeve të tjera të cilat nuk janë ende të integruara) pa u dhënë atyre anëtarësimin e plotë. Nisur nga procedurat që në vetvete protokolli i BE-së parashikon, në mënyrë që të shmanget një proces, Macron propozoi rreth muajit qershor të këtij viti një model alternativ të BE-së, pa dhënë anëtërsimin e plotë në organizatën ndërkombëtare.
Sipas Macron, qëllimi i këtij komuniteti është të "ndërtojë paqen, stabilitetin dhe bashkëpunimin për çështjet më gjeopolitike të Evropës sonë" me vendet që "ndajnë vlerat tona".
Në këtë mund të vihej në dyshim prania e shteteve që kanë probleme me lirinë e medieve apo që nuk kanë mbështetur sanksionet e BE-së kundër Rusisë për shkak të pushtimit të Ukrainës si Serbia apo Turqia. Bashkësia evropiane nuk është alternativë e BE-së por do të shërbejë për bashkëkoordinim politik nga udhëheqësit e Evropës për harmonizim të politikave.
Kujtojmë se propozimi francez i hapi rrugën Shqipërisë në hapjen e negociatave në Bashkimin Evropian pas heqjes së vetos Bullgare më 19 korrik të 2022.
Kryeministri Rama e idenë e presidentit francez, Emmanuel Macron për një Komunitet Politik Evropian – një organizatë që do të ishte e hapur si për anëtarët ashtu edhe për joanëtarët e BE-së.
“Unë mendoj se ai ka të drejtë. Kjo duhet të ishte bërë shumë kohë më parë… sepse kjo është vizionare’- tha Rama.
“Kjo mund të diskutohet, por në parim, të kesh një komunitet politik i cili organizohet në mënyra të ndryshme … është shumë e rëndësishme dhe është përtej Bashkimit Evropian që kemi sot … i cili qartësisht nuk është në gjendje të përballet me sfidat e kohës që janë përpara”, tha Rama në një intervistë.
Komente
