Protesta në "Rrugën e Kombit"

Kronikë

Protesta në 'Rrugën e Kombit', këshilltarët bashkiakë letër Metës: Lironi 4 kuksianët e burgosur

8 Maj 2018, 12:07| Përditesimi: 8 Maj 2018, 13:19

  • Share

Këshilltarët Bashkiak të Kukësit, Hasit dhe Tropojës i kanë dërguar një peticion presidentit Ilir Meta, lidhur me burgosjen e 4 kuksianëve që u arrestuan pas protestës së dhunshme në “Rrugën e Kombit”.

Në letrën drejtuar presidentit i kërkohet  që të ushtrohet autoriteti ligjor i Presidentit për lirimin e 4 të burgosurve dhe ndërprerjen e procedimit penal ndaj protestuesve të tjerë.

 Në vijim të situatës së krijuar pas protestave për anulimin e taksës në Rrugën e Kombit, ne, këshilltarët bashkiakë të Kukësit, Hasit dheTropojës, ju kërkojmë si President i Republikës të ushtroni autoritetin tuaj ligjor për lirimin e 4 të burgosurve si dhe ndërprerjen e procedimit penal ndaj protestuesve të tjerë.

Këshilltarët e Këshillit Bashkiak të Kukësit, Hasit dhe Tropojës

Anëtarët e këshillit Bashkiak kanë shkruar së do të vazhdojnë të jenë në mbrojtje të tyre deri në shpalljen e pafajshme të protestuesve. Në peticionet e dërguara ndaj kreut të shtetit lexohet kërkesa e tyre dhe emrat e nënshkruar.

Më 31 mars, banorë të qarkut të Kukësit protestuan dhe dogjën traun e pagesës në Rrugën e Kombit, akt që çoi 23 persona në pranga, katër nga të cilët janë ende në qeli. Ndërsa qeveria pritet në vijim të bëjë publike tarifën e re për banorët e qarkut të Kukësit, në Rrugën e Kombit të gjithë po qarkullojnë pa pagesë.



(Peticioni i Këshilltarëve Bashkiakë të Kukësit, Hasit dhe Tropojës, drejtuar presidentit Ilir Meta)

Komento

Komente

  • Sondazhi i ditës:

    A duhet të çojë SPAK Berishën përpara Gjykatës për masakrën e 21 janarit?