Një protestë e pazakontë është zhvilluar sot në Tiranë, ku dhjetëra aktivistë dhe mbështetës të teorive konspirative marshuan kundër vaksinës së koronaviursit, të cilët e cilësuan si një mjet të elitave për të kontrolluar popullsinë.
Protestuesit përgjatë bulevardit “Dëshmorët e Kombit" hodhën parulla kundër vaksinimit të detyrueshëm ndaj COVID-19. Sipas tyre vaksinë që është duke u përgatitur ka si qëllim injektimin e disa mikroçipave kontrollues në trupat e popullatës.Ata u shprehën edhe kundër karantinës.
“Kjo është një skemë ndërkombëtare në interes të pak familjeve në botë, të cilët dëshirojnë të ulin numrin e popullsisë në botë për ta kontrolluar më mirë dhe për të mikroçipuar popullsinë, nëpërmjet një vaksine me nanothërmija dhe nëpërmjet sistemit 5G – që duan të na fusin në trup nëpërmjet kësaj vaksinës”, u shpreh Alfred Cako, botues librash konspirativë dhe njëkohësisht njëri prej organizatorëve të protestës.
Teknologjia 5G fajësohet për përhapjen e shpejtë të COVID-19 dhe ata që e avancojnë këtë teori konspirative besojnë se kjo frekuencë degradon sistemin imunitar dhe se rreziqet po mbulohen nga forca të fuqishme në industrinë globale të telekomunikacionit.
Në Shqipëri, që nga shpërthimi i epidemisë koronavirusi i ri ka prekur 1164 persona, nga të cilët 33 kanë humbur jetën, 891 janë shëruar dhe 240 raste janë aktive
Komente
Eshte proteste per te rrezuar ramen mos u ngateroni
PërgjigjuJa dhe injorantet e rradhes,tani dilni e thoni/DUAM BABEN/ e vini Trump ne krye o Haxhi Qemalista te shek.XXI.
PërgjigjuNje tufe te marresh qe lexojne vetem portale konspiracioni dhe libra fetare. Humbje kohe, kur s’ka ende nje vaksine lere me detyrim per ta bere.
PërgjigjuFutu te instagram i Bill Gates dhe lexo komentet e njerezve ne usa, te mos mbetesh injorant.