Kryeministri kanadez Justin Trudeau është goditur me zhavorr nga protestuesit gjatë fushatës. Ai po kthehej në autobusin e tij pasi vizitoi një fabrikë birre, kur u godit me disa gurë të vegjël, por fatmirësisht nuk pësoi lëndime trupore.
Fushata e tij u prish nga demonstratat kundër vaksinës COVID-19 dhe kufizimeve të tjera. Pak më shumë se një javë më parë, kryeministri u detyrua të anulonte një tubim elektoral pasi një turmë protestuesish të zemëruar i zunë 'pritë'.
Duke folur me gazetarët pas incidentit, Trudeau e krahasoi atë me rastin e 2016, kur një grua i hodhi fara kungulli.
Planet e Trudeau për vaksinimin me detyrim janë bërë një çështje kryesore përpara zgjedhjeve të 20 shtatorit që do të mbahen në vend.
Muajin e kaluar, qeveria njoftoi se të gjithë nëpunësit civilë - përfshirë punëtorët në sektorët e rregulluar federalisht, si hekurudha - duhet të vaksinohen deri në fund të tetorit ose të rrezikojnë të humbin punën e tyre.
Kanadaja ka një nga nivelet më të larta të vaksinimit Covid në botë.
Komente
Looser
Përgjigju