NORVEGJI - Pas një sërë ndërprerjesh në ndeshjen mes Rosenborg dhe Lillestrøm, skuadrat u tërhoqën nga fusha e 'Lerkendalit' përfundimisht, kjo pas vendimit të arbitrave për shkak të protestave për VAR (Video assistent referee).
Tifozët e të dyja skuadrave u koordinuan për të kontestuar me sende rrethanore “VAR”-in duke detyruar kryesorin që të pezullojë duelin vetëm 30 minuta pas fillimit.
Në fillim dueli u ndërpre për “fajin” e tifozëve vendas, të cilët hodhën topa tenisi në fushë duke detyruar kryesorin të dërgonte futbollistët në dhomat e zhveshjes.
Më pas ultrasit shpalosën banerin me mesazhin: “VAR-i duhet të hiqet, nuk do të dorëzohemi kurrë”. Radhën për të bërë të njëjtën e gjë e kishin tifozët e skuadrës mike, të cilët pas topave të tenisit shpalosën të njëjtin mesazh.
Në Norvegji janë kundër VAR-it dhe ky sezon ka vijuar me shumë protesta në lidhje me teknologjinë në futboll.
