PICALLË- Banorët e fshatit Picallë në Tiranë janë ngritur në protestë pasi sipas tyre kompania private “SHIJAKU” shpk po i prek pronat e tyre private, sipërfaqja pyjore , për të cilat nuk disponojnë certifikatë pronësie, por e kanë e kanë të trashëguar brez pas brezi dhe në arkivin e kadastrës pronësia e tyre iu njihet.
Vendosja e dy portave të hekurta në të dyja anët e rrugës ka acaruar më tej situatën pasi rreth 200 banorë nuk mund të shkojnë më tek tokat e tyre e të kullotin bagëtitë, aktivitet të cilin më parë e kryenin. Mesditën e kësaj të mërkure të rinj e të moshuar janë bërë bashkë për të shkatërruar portat.
Shoqëria “Shijaku” SHPK po punon në zonë për ngritjen e qendrave të organizuara sociale dhe shërbimeve në fushën e shërbimeve sociale, por sipas banorëve askush nuk ka shkuar tek to për të zhvilluar bisedime dhe të bëj transparent projektin. Banorët thonë se nuk do të ndalen së protestuari derisa e drejta të triumfojë. Banorët kërkojnë t’u njihet prona e tyre e të trajtohen si pronar të saj.
Komente
