Infermierët e Qendrës Spitalore Universitare Nënë Tereza kanë protestuar për rreth 30 minuta. Shkak i protestës ishte pagesa për parkimin e automjeteve brenda QSUT-së, vetëm për infermierët. Kreu i Shoqatës së Infermierëve Elson Jaçaj, u shpreh se infermierët duhet të paguajnë çdo ditë nga 100 lekë dhe theksoi se i kanë lenë 2 javë kohë Ministrisë së Shëndetësisë për të zgjidhur problemin.
Në bazë të shkresave që ne kemi, firma ka mbi një javë që po merr lekë kundër çdo ligji. Më e turpshme është që personeli infermieror është i vetmi që është konfliktuar me firmën private për të hyrë pa pagesë.
Elson Jaçaj, Kreu i Shoqatës së Infermierëve
Prej disa muajsh koncesionari që menaxhon vendet e parkimit në QSUT është në konflikt me Ministrinë e Financave. Që në muajin mars të këtij viti Ministria e Financave ka vendosur të ndërpresë kontratën me kompaninë “Stoelb” për shkak të ankesave të qytetarëve dhe për mos zbatimin e të gjitha pikave në kontratë. Në datën 13 gusht koncesionari nuk duhet të ishte më në QSUT për të marrë lek për vendet e parkimit, por ai ende vijon punën. Infermierët këmbëngulin se pagesa që ata bëjnë për parkimin e makinave është e jashtëligjshme.
Komente
Po neve ne Berat kan 1 vit qe po na i marin , ju u qankeni kot
PërgjigjuKur erdhi PS ne pushtet doli Ilir Beqja dhe thoshte qe sdo kete automjete brenda QSUT, do e heqim konqesionarin pastaj mesa duket u mor vesht me konqesionarin dhe lujti puna. Koncesionarit I uroj jet te gjat e te lumtur. Rroft partia.. Populli duhet te paguaje qe te kete shendetesi falas
PërgjigjuE forte kjo. Hajt qe rrogat nuk ua rrisin, hajt qe i fusin edhe ne testime, po duan edhe t'u marrin leke per parkim. Pastaj pretendon shteti humanizem prej tyre, nderkohe qe le privatin t'i zhvate :).
Përgjigju