FSHF dhe më saktësisht Sektori i Garave në këtë insitucion zhvilloi sot një mbledhje me delegatët e ndeshjeve në lidhje me protokollin e masave që aktorët e futbollit po zbatojnë teksa stërviten dhe duhet të zbatojnë në momentin kur qeveria të japë leje për ndeshjet.
Sekretari i federatës, Ilir Shulku, i tregoi delegatëve detyrat që ata kanë për zbatimin e protokollit shëndetsor, tashmë të pranuar edhe ministria. Sipas Shulkut tolerance për mos zbatimin e tij duhet të jetë zero.
“Sektori i Garave në Federatën Shqiptare të Futbollit zhvilloi ditën e sotme një seminar informues me delegatët e ndeshjeve, ku është folur për protokollin mjekësor që ka përgatitur FSHF për zhvillimin e ndeshjeve pas përhapjes së Covid-19.
Te pranishëm në këtë mbledhje ishin Sekretari i Përgjithshëm, Ilir Shulku, dhe shefi i Sektorit të Garave, Lysien Nurishmi. Sekretari i Përgjithshëm, Ilir Shulku, në fjalën e tij informoi delegatët mbi takimet e zhvilluara me të gjithë drejtuesit e klubeve dhe detyrat që ata kanë për zbatimin e protokollit mjekësor që është përgatitur nga FSHF e është miratuar nga Ministria e Shëndetësisë dhe Mbrojtjes Sociale. Shulku kërkoi nga zyrtarët e ndeshjeve që të tregojnë kujdes maksimal dhe theksoi se toleranca është zero në lidhje me zbatimin e protokollit mjekësor.
Drejtuesi i garave në FSHF, Lysien Nurishmi, bëri një prezantim të detajuar të detyrave dhe përgjegjësive që lindin për delegatët në organizimin e një ndeshjeve në kohë pandemie. Zbatimi dhe kushtet e protokollit mjekësor janë të njëjta për të gjithë, nga futbolli fëmijëve deri te Kategoria Superiore,”-shkruan FSHF.
