Pas mbylljes së shkollave, fëmijët janë duke marrë mësimet e tyre online në oraret e paracaktuar nga Ministria e Arsimit në RTSH. Ashtu siç ministrja Besa Shahini kishte premtuar në daljet e saj për sqarimin e prindërve dhe fëmijëve për mësimet, është publikuar udhëzuesi dhe modelet e pyetjeve për arsimin bazë 9-vjeçar në provimet e gjuhës dhe matematikës.
Fëmijët kohën që po kalojnë në shtëpi ta shfrytëzojnë për të mësuar deri në hapjen e shkollave.
Shahini ka theksuar disa herë se nuk ka asnjë arsye për shtyrjen e provimeve as për arsimin bazë dhe as për maturantët, përkundrazi ministria do të publikojë udhëzues ku të bazohen për mësimin e tyre dhe përgatitjen për provimet.
Lexoni këtu udhëzuesin e plotë të Ministrisë së Arsimit për Udhëzuesin dhe Modelin e pyetjeve për provimet kombëtare të arsimit bazë për klasën e IX-të.
Mësime dhe leksionet do të jepen online ehd epër universitetet. I pari që e n isis këtë mode është Universiteti ‘Aleksandër Moisiu’ në Durrës, që përmes platformave falas si Google Classrom, Zoom apo Eztalks ofron për studentët leksione online.
Lajmi është dhënë nga ministrja e Arsimit, Besa Shahini, e cila sqaron se 30 module janë tashmë online dhe 2,000 studentët e parë kanë filluar mësimin.
Shahini përgëzon universitetin për nismën e ndërmarrë, që sipas saj duhet të ndiqet nga të gjitha universitetet e tjera të vendit.
Të tre këto platforma janë të aksesueshme lehtësisht nga kompjuteri, por edhe nga pajisjet smartphone Android dhe Apple.
