Partia Socialiste ka mbledhur sot (11 Nëntor) grupin parlamentar në ambientet e Kuvendit, në kuadër të nisjes së javës dhe të aktiviteteve që zhvillohen në Komisione dhe Parlament.
Gjatë këtij takimi u diskutuan çështje të rëndësishme që lidhen me angazhimin dhe pjesëmarrjen aktive të deputetëve në komisionet parlamentare dhe seancat e ardhshme plenare.
Gazetarja e Report TV, Raziela Myslimaj, informon se fokusi kryesor i diskutimeve u vendos mbi rëndësinë e procesit të miratimit të Buxhetit të Shtetit për vitin 2025, me qëllim që çdo aspekt i buxhetit të vlerësohet dhe miratohet në kohë dhe në përputhje të plotë me pritshmëritë dhe nevojat e qytetarëve.
Të hënën dhe të martën e javës së ardhshme do të zhvillohen seancat maratonë në Parlament për miratimin në parim të buxhetit dhe në këtë aspekt PS kërkon angazhimin maksimal të deputetëve.
Komente
