Një 42-vjeçar, i identifikuar si Alfred Llozhi, është arrestuar nga efektivët e komisariatit nr. 1 në Tiranë pasi ka ushtruar dhunë ndaj bashkëjetueses së tij, ka tentuar ta djegë atë dhe banesën e tyre.
Mësohet se çifti kishte konflikte të vazhdueshme për shkaqe xhelozie. Një ditë më parë kanë bërë debat pasi Llozi pretendonte se gruaja i kishtë sharë nënën. 'Pse më ke sharë nënën', i ka thënë ai.
42-vjeçari ka hedhur benzinë ndaj gruas dhe shtëpisë dhe më pas ka tentuar t'i djegë. Ka qenë gruaja që ka marrë në telefon policinë, duke shmangur përshkallëzimin e ngjarjes.
"Specialistët për Hetimin e Krimeve të Komisariatit të Policisë Nr. 1 arrestuan A. Ll., 42 vjeç, pasi dyshohet se ka ushtruar dhunë ndaj bashkëjetueses së tij, si dhe ka tentuar të djegë atë dhe banesën e tyre", njoftoi policia.
Komente
